კითხვა: ვარ სტუდენტი, ვცხოვრობ მარტო და, ამიტომ, ხშირად მიწევს კვერცხის ჭამა. შეიძლება, ეს საზიანო აღმოჩნდეს? თან ვვარჯიშობ და ცილების გამო უფრო ვაკეთებ აქცენტს კვერცხზე.

პასუხი: კვერცხის მიღება ზომიერი რაოდენობით არ არის საზიანო, მაგრამ, კვება უნდა იყოს ბალანსირებული – აუცილებელია ხილი და ბოსტნეული.

კითხვა: 3 წლის ბიჭს ჰემოგლობინი აქვს 119 და რკინის შემცველობა – 20,2კმოლ/ლ. რამდენად საშიშია რკინის მაღალი შემცველობა მისთვის?

პასუხი: ამ ასაკში სისხლში რკინის შემცველობა დასაშვებია 8,95-21,48-ის ფარგლებში, ამიტომ, თქვენს ვაჟს რკინა ნორმალური შემცველობით აქვს სისხლში. 

კითხვა: რა შეიძლება, გამოიწვიოს ორგანიზმში ცილების უკმარისობამ?

პასუხი: ორგანიზმში ცილების უკმარისობის დროს ვითარდება ზრდაში ჩამორჩენა, კანის მოდუნება და ნაადრევი დაბერება, კუნთების მკვეთრი სისუსტე, ღვიძლის ფუნქციების მოშლა. ამის გარდა, ცილების უკმარისობას ხშირად თან სდევს ავიტამინოზი B12, A, D, K ... რაც ასევე, გავლენას ახდენს კლინიკურ სურათზე.

კითხვა: რა არის მზის ალერგია?

პასუხი: „მზის ალერგია“, ანუ ფოტოდერმატიტი – ჭინჭრის ციების ტიპის გამონაყარი, რომელიც მზის სხივების ზეგავლენით ჩნდება. ის შეიძლება, იყოს რომელიმე დაავადების ან ქრონიკული ინფექციის სენსიბილიზაციის გამოვლინება.

კითხვა: შეიძლება თუ არა გრიპმა გამოიწვიოს გულზე გართულება და როგორი სიმპტომები ახასიათებს?

პასუხი: შეიძლება, უფრო ხშირად – ტოქსიკური მიოკარდიტი. სიმპტომები: სისუსტე, არითმია, გულის არეში ტკივილები, ცივი ოფლი.  მიოკარდიტი ძალიან სერიოზული გართულებაა, ამიტომ ამ სიმპტომების გამოვლენისას სასწრაფოდ მიმართეთ ექიმს.

კითხვა: რა არის ცრუ სახსარი და როგორია მისი მკურნალობა?   

პასუხი: მოტეხილობის შეუხორცებლობის შემთხვევაში, შეიძლება, ცრუ სახსარი ჩამოყალიბდეს. ნორმალური სახსრისგან განსხვავებით, მას არ აქვს ხრტილოვანი ზედაპირი და მყესები. მკურნალობა – მხოლოდ ქირურგიული.

კითხვა: რომელი ტკივილგამაყუჩებელი პრეპარატების მიღება არ არის მიზანშეწონილი ბუასილის დროს?

პასუხი: სისხლძარღვთა გამაფართოებელი. არ არის რეკომენდებული ასპირინი, არასტეროიდული ანთების საწინააღმდეგო პრეპარატები (იბუპროფენის ჯგუფის).

კითხვა: როგორ მკურნალობენ ნეკნის მოტეხილობას და რა ხანგრძლივობით?

პასუხი: ნეკნის მოტეხილობის დროს თაბაშირი არ გამოიყენება. იყენებენ მხოლოდ მჭიდრო გადახვევას გულმკერდის მოძრაობის შესაზღუდად და ტკივილგამაყუჩებელ პრეპარატებს. როგორც წესი, ახალგაზრდა ორგანიზმი 3 კვირაში სძლევს მოტეხილობას.

კითხვა: როგორ შეიძლება საყლაპავის თიაქრის განკურნება?

პასუხი: მედიკამენტური მკურნალობა არ არსებობს. ქირურგიული ჩარევა ნაჩვენებია მხოლოდ გართულებების შემთხვევაში.