იუმორისტი ამიკო ჩოხარაძე მეორე შვილის მამა გახდა. მისმა მეუღლემ, ანა ონიანმა, 16 აპრილს ფიზიოლოგიურად იმშობიარა გაგუას სახელობის კლინიკაში. პატარა ქალბატონი 3 კილოგრამი და 100 გრამი და 49 სანტიმეტრი დაიბადა. როგორც ამიკომ გვითხრა, მშობიარობამ მშვიდ ვითარებაში ჩაიარა, ყოველგვარი გართულებების გარეშე და დედა-შვილი თავს მშვენივრად გრძნობს. უფროსი შვილი 2 წლისაა და მას საბა ჰქვია, გოგონას საკმაოდ უცხო სახელი – ემილი დაარქვეს. როგორც მამიკომ გვითხრა, იმ დღიდან მოყოლებული, ამ ამბავს აღნიშნავს და ქრონიკულად ნაბახუსევია. 

ამიკო: „16 აპრილიდან სულ ვქეიფობ, თავი მაქვს უკვე გასიებული (იცინის). მშობიარობას არ დავსწრებივარ არც ერთი შვილის დაბადებისას. რაც შეეხება სახელს, ეს არავის სახელი არ არის, უბრალოდ, მე და ჩემმა ცოლმა შევარჩიეთ და ორივეს ძალიან მოგვეწონა.“ ჟურნალი „თბილისელები“ ულოცავს წყვილს ქალიშვილის შეძენას და ყველაფერ საუკეთესოს უსურვებს ახალგაზრდა ოჯახს.