22 აპრილი

1370 – საფრანგეთის მეფის, შარლ მეხუთის ბრძანებით, პარიზში დაიწყო ციხესიმაგრე ბასტილიის მშენებლობა. 

1500 – პორტუგალიელი პედრუ ალვარიშ კაბრალის ექსპედიციამ აღმოაჩინა ბრაზილიის სანაპიროები.

1760 – ლონდონში პირველად გამოჩნდა გორგოლაჭებიანი ციგურები.

1964 – ტანგანიკა და ზანზიბარი გაერთიანდა ერთ სახელმწიფოდ, რომელსაც ეწოდა ტანზანია. 

1969 – ჰიუსტონში პირველად გადაუნერგეს ერთი ადამიანის თვალი მეორეს.

23 აპრილი

1867 – ინგლისის დედოფალმა ვიქტორიამ და საფრანგეთის იმპერატორმა ნაპოლეონ მესამემ უარყვეს ლამანშის ქვეშ გვირაბის აშენების პროექტი. ეს პროექტი მხოლოდ მეოცე საუკუნის ოთხმოციან წლებში განხორციელდა.

1896 – ნიუ-იორკში, პირველად ამერიკის ტერიტორიაზე, ჩატარდა კინოსეანსი.

1990 – ქალაქ კარლმარქსშტადტს დაუბრუნდა ძველი სახელი – ჰემნიცი.

1999 – ბელგრადის მასობრივი დაბომბვა ნატოს ავიაციის მიერ.

24 აპრილი

1771 – იაპონიის კუნძულ იშიკაგის თავს დაატყდა ცუნამი, რომლის ტალღის სიმაღლე, გადმოცემის მიხედვით, 85 მეტრს აღწევდა.

1877 – დაიწყო რუსეთ-თურქეთის ომი, შედეგად, აჭარა საქართველოს დაუბრუნდა.

1915 – თურქული არმიის შენაერთებმა მილიონზე მეტი სომეხი გაწყვიტეს – სომხების დიდი გენოციდი.

1967 – საბერძნეთში სამხედრო დიქტატორულმა ხელისუფლებამ აკრძალა მინი-ქვედაბოლოების ტარება. აკრძალვა 1974 წელს გაუქმდა.

1970 – ჩინეთმა კოსმოსში გაუშვა თავისი პირველი ხელოვნური თანამგზავრი. 

25 აპრილი

1719 – ლონდონში გამოიცა დანიელ დეფოს რომანი „რობინზონ კრუზო“.

1792 – პარიზში, გრევის მოედანზე, საზეიმოდ დადგეს ჟოზეფ გიიოტენის გამოგონება – გილიოტინა – „ჰუმანური“ მოწყობილობა სიკვდილით დასჯისთვის. მომდევნო წლებში მას ბევრი ცნობილი ადამიანი ემსხვერპლა.

1859 – ეგვიპტეში დაიწყო სუეცის არხის მშენებლობა. 

1926 – „ლა სკალაში“ გაიმართა პუჩინის ოპერის „ტურანდოტის“ პრემიერა. 

1931 – შტუდგარდტში ფერდინანდ პორშემ დააარსა საავტომობილო ქარხანა „პორშე“.

1966 – ძლიერმა მიწისძვრამ დაანგრია ქალაქი ტაშკენტი (უზბეკეთი).

26 აპრილი

1792 – კომპოზიტორმა რუჟე დე ლილმა დაწერა „მარსელიეზა“.

1921 – ლონდონის ქუჩებში გამოჩნდა მოტოციკლებზე ამხედრებული პატრული.

1933 – გერმანიაში დაარსდა საიდუმლო პოლიცია „გესტაპო“.

1937 – გერმანულმა ავიაციამ მიწასთან გაასწორა ესპანური ქალაქი გერნიკა (ეს მოვლენა უკვდავყო პიკასომ თავის შედევრში „გერნიკა“).

1986 – ჩერნობილის კატასტროფა.

27 აპრილი

1667 – ჯონ მილტონმა დაასრულა თავისი პიესა „დაკარგული სამოთხე.“

1828 – გაიხსნა ლონდონის ზოოპარკი.

1940 – დაარსდა საკონცენტრაციო ბანაკი „ოსვენციმი“, სადაც 1944 წლამდე 4 მილიონი ადამიანი გამოასალმეს სიცოცხლეს.

28 აპრილი

1220 – ინგლისში დაიწყო ქვეყანაში ერთ-ერთი უდიდესი და ულამაზესი ეკლესიის – სოლსბერის საკათედრო ტაძრის მშენებლობა.

1920 – წითელმა არმიამ აიღო ქალაქი ბაქო, მოხდა აზერბაიჯანის გასაბჭოება.

1923 – ლონდონში გაიხსნა სტადიონი „უემბლი“.

1955 – დაიწყო კოსმოდრომ „ბაიკანურის“ მშენებლობა.

1965 – ეკრანებზე გამოვიდა ფილმ „ანჟელიკას“ პირველი სერია.