კითხვა: დავიბადე 1980 წლის 13 მარტს. მაინტერესებს, რომელია ჩემი ასტროლოგიური ქვები?

პასუხი: თქვენი ასტროლოგიური ქვებია: აკვამარინი, ზურმუხტი, ოპალი და მარგალიტი. აკვამარინი შეგმატებთ თავდაჯერებულობას და რეალობაში დაგაბრუნებთ; ასევე, დაგეხმარებათ ადამიანთა უკეთ ამოცნობაში და ახალი ნაცნობების შეძენაში. ზურმუხტი იზრუნებს თქვენი ენერგეტიკული ბალანსის შენარჩუნებაზე. დაგიცავთ შესაძლო დაავადებებისგან. ოპალი აგარიდებთ ავ თვალს და დაგიცავთ არასწორი ნაბიჯებისგან. მარგალიტი კი იზრუნებს თქვენი პირადი ცხოვრების უკეთ მოწყობაზე.

კითხვა: დავიბადე 1993 წლის 25 მარტს, ღამის საათებში. მაინტერესებს, რომელი პროფესიაა ჩემთვის წარმატების მომტანი მომავალში?

პასუხი: პროფესიებიდან თქვენთვის მისაღები და წარმატებების მომტანია: საბანკო, ეკონომიკური, კომერციული, სავაჭრო, საფინანსო საქმიანობა, მედიცინის ფართო სპექტრი, ჟურნალისტიკა, რადიო, ტელევიზია, სარეკლამო, საგამომცემლო საქმე, პედაგოგიური მოღვაწეობა, მთარგმნელობითი საქმე, ლინგვისტიკა, პოლიტიკის ფართო სპექტრი, მშენებლობა, საინჟინრო საქმე, სამართალდამცავი ორგანოები, უშიშროების სფერო.