ყველაფერი ბაყაყების შესახებ... ზოგიერთს ისინი ძალიან საზიზღარი ჰგონია. ზოგსაც მოსწონს მწვანე, უწყინარი არსებები. რა იცით მათ შესახებ?

* ჩვენს პლანეტაზე ცხოვრობს ყველაზე დიდი ბაყაყი – გოლიაფი. იწონის სამ კილოგრამზე მეტს და 90 სანტიმეტრი სიგრძის არის. გოლიაფები ამერიკაში ცხოვრობენ. სამხრეთ კამერუნისა და გვინეის ტერიტორიაზე. ამ გიგანტური ბაყაყის ნახტომის სიგრძე სამი მეტრია.

* გერმანელმა და მალაიზიელმა მკვლევრებმა კუნძულ ბორნეოს ჯუნგლებში აღმოაჩინეს ჯუჯა – 10 მილიმეტრის სიგრძის ბაყაყი. ის ყველაზე პაწაწინა ბაყაყია დედამიწაზე.

* ბაყაყს აქვს უნარი, ერთდროულად იხედებოდეს წინ, გვერდით ორივე მხარეს და ზევით. შეუძლია თვალგახელილი ძილი და თვალებს არასდროს ახამხამებს.

* გომბეშო, ბაყაყისგან განსხვავებით, უკბილო არსებაა. მშრალი კანი აქვს. ყველაზე დიდი გომბეშოა აგა (ცხოვრობს ცენტრალურ აფრიკაში), იწონის ორ, ზოგჯერ ორ კილოგრამზე მეტსაც. აგა ყველაზე შხამიანია გომბეშოებსა და ბაყაყებს შორის. 

* ხმელეთზე მობინადრე ბაყაყებს შორის ყველაზე შხამიანია ბაყაყი კოკოი, რომელიც სამხრეთ ამერიკის ჯუნგლებში ბინადრობს. ასევე, კოლუმბიაში. კოკოის შხამი 35-ჯერ უფრო მომაკვდინებელია, ვიდრე კობრის.

* ძველად ბაყაყებს, სოფლებში რძიან ბიდონებში ყრიდნენ, რომ რძე არ ამჟავებულიყო. საქმე ისაა, რომ ბაყაყის კანი ბაქტერიოციდებს გამოყოფს.

* ყველაზე პატარა გომბეშო ბინადრობს ბრაზილიაში. მისი სიგრძეა რვა მილიმეტრი და კლდოვან ადგილებში გვხვდება.

* გომბეშოები, ძირითადად, ხმელეთზე ცხოვრობენ. წყლის სტიქია მათ მხოლოდ გამრავლების პერიოდში სჭირდებათ.