მეცხრამეტე საუკუნეში ტროას აღმოჩენას შლიმანის მიერ ბევრი უარყოფითი შედეგიც მოჰყვა: გათხრები წესების დარღვევით და დილეტანტურ დონეზე მიმდინარეობდა. განძის დიდი ნაწილი კონტრაბანდის გზით თურქეთიდან გაიტანეს და მსოფლიოს დიდ მუზეუმებს მიჰყიდეს. დღეს ეს ნივთები 47 კოლექციაშია მიმოფანტული.

 უკვე რამდენი წელია, თურქეთის მთავრობა კატეგორიულად მოითხოვს საგანძურის მათთვის გადაცემას. მარტო მოსკოვის პუშკინის სახელობის გამომსახველობით მუზეუმში 8 800 ექსპონატია დაცული, ერმიტაჟში – 11 000 ექსპონატი. გამორიცხული არ არის, რომ, ადრე თუ გვიან, ამ საგანძურმა ისევ თურქეთში გადაინაცვლოს, თუმცა, რუსეთი ამას ძალიან ეწინააღმდეგება.