ინგრედიენტები ორი ულუფისთვის: 300 გრამი თევზის ფილე – 2 ნაჭერი (თითო ნაჭერი – 150-გრამიანი), 200 გრამი ქამა სოკო, 100 გრამი მაგარი ყველი, 2 ცალი პომიდორი, კამა, 2 სადილის კოვზი ლიმონის წვენი, 1 ჩაის კოვზი გახეხილი ლიმონის ცედრა, მარილი, პილპილი.

მომზადების წესი: თევზის ფილე გარეცხეთ და ოდნავ შეაშრეთ. მოაყარეთ მარილი, პილპილი, მოასხით ლიმონის წვენი და დააწყვეთ გამოსაცხობ ტაფაზე. პომიდორი დაჭერით რგოლებად და დააწყვეთ თევზზე. სოკო ჯერ დაჭერით და მოხრაკეთ ზეთში, მერე კი მოათავსეთ პომიდორზე ზემოდან. ყველი გახეხეთ წვრილკბილა სახეხზე, აურიეთ მასში წვრილად დაჭრილი კამა და ლიმონის ცედრა და ეს ყველაფერი მოაყარეთ თევზის ნაჭრებს ზემოდან ისე, რომ სქლად დაფაროს. გამოაცხვეთ 180 გრადუს ტემპერატურაზე. 20 წუთში მზად იქნება.