საჭირო ინგრედიენტები: 700 გრამი ქათმის ფარში (შეიძლება საქონლისაც, მაგრამ, ცხიმიანი არ უნდა იყოს), 5-6 ნაჭერი თეთრი პური, 3 ცალი მოხარშული კვერცხი, მარილი, მაიონეზი.

მომზადების წესი: ფარშს უყავით მარილი. პურის ნაჭრები დაალბეთ წყალში ან რძეში, გაწურეთ და ხელით კარგად აზილეთ. შეაზილეთ ფარშს. ფოლგას წაუსვით ზეთი, დადეთ მასზე ფარში. ხელით ოდნავ დატკეპნეთ და ზედაპირზე დააწყვეთ შუა-შუა გაჭრილი მოხარშული კვერცხები. გადაახვიეთ ფარში რულეტივით და შეფუთეთ ფოლგაში. მოათავსეთ ცხელ აირღუმელში ერთი საათით. შემდეგ ფოლგა მოაშორეთ და როგორც კი ზედაპირი დაიბრაწება, ზედა მხრიდან მოხსენით ფოლგა, მოასხით მაიონეზი და 2-3 წუთით შედგით ღუმელში.