26 იანვარს დიზაინერმა ნანა მელქაძემ ბრენდის დაარსებიდან ათი წლის იუბილე პომპეზურად, თავის მომხმარებელთან ერთად იზეიმა – ასე აღნიშნა ნანამ ამ დღეს საკუთარი სახელობის მოდის სახლის გახსნა და მოდის სფეროში მოღვაწეობის მრგვალი თარიღი. საღამოზე მისულ სტუმრებს უამრავი სიურპრიზი დახვდათ. პირველად საქართველოში, დიზაინერმა ქართველ მომხმარებელს შესთავაზა როგორც ყოველდღიური, ასევე საღამოს სამოსი, საქორწილო კაბები და ქურქები. გახსნაზე იმყოფებოდნენ ცნობილი ქალბატონები, რომლებმაც დიზაინერის პირველ ჩვენებაში მიიღეს მონაწილეობა, რომელიც თუმანიშვილის სახელობის თეატრში რამდენიმე წლის წინ ჩატარდა, სახელწოდებით – „ცნობილი ქალები პოდიუმზე”. ამ ჩვენებამ მაშინ საზოგადოება აღფრთოვანებაში მოიყვანა. ინოვაციებით გამორჩეულმა დიზაინერმა ამჯერადაც გააკვირვა სტუმრები თავისი ხელწერით. საღამოს ცნობილი სახეები ამჯერადაც არ აკლდა. გათამაშდა პრიზები. სასიამოვნო გარემოს საქსოფონის ცოცხალი მელოდია კიდევ უფრო კომფორტულს ხდიდა.