გია ჯაჯანიძის იდეითა და ინიციატივით საქართველო ყველაზე მიმზიდველ მამაკაცს აირჩევს. თავად კონკურსი „პირველი რადიოსა” და „საქართველოს ხმის” მხარდაჭერით 13 თებერვალს გაიმართება. ვინ იქნება ის ბედნიერი, ვინც ვალენტინობას „მისტერ ვალენტინის” ტიტულით შეხვდება და ვინ იქნება ის გოგონა, ვინც ვალენტინობაზე შოკოლადის ნაცვლად შეყვარებულის სტატუსს მიიღებს – ამას ყველა ერთად გავიგებთ. ჟიურის თავმჯდომარე კრისტი ყიფშიძეა. მისტერ ვალენტინის არჩევაში, ასევე, მონაწილეობას მიიღებენ ჟიურის წევრები: ნანუკა ჟორჟოლიანი, დალი ჩიტალაძე, გიორგი ყიფშიძე, საშა პრიშვინი, შოთიკო ბოჭორიშვილი, ნინო წულუკიძე, დათუნა სულუაშვილი, თამარ პოპიაშვილი, „მისტერ ვალენტინი 2010”, გია ჯაჯანიძე, კახი ხაბეიშვილი, ნათია დუმბაძე. კონკურსში მონაწილეობას იღებენ სამოდელო სააგენტოები: „იმიჯ-ცენტრი“, „ნატალი“, „ლუქმოდელი“, „კატრინი“, BEST MODELS, „მაქსიმუმი“, „ფამეჯენსი“. ღონისძიების სპონსორები არიან: დევიდ ჯონსი, „ერგოლაინი“, სალონი „ამარტა“, „OVS ინდუსტრი“, რესტორანი „კონკადური“, კინოთეატრი „ამირანი“, „რივერ აილენდი“, „სელიო“.