28 იანვარი

1871 – დაიწყო პარიზის ალყა პრუსიული არმიის მიერ (საფრანგეთ-პრუსიის ომი).

1986 – ამერიკული კოსმოსური ხომალდის „ჩელენჯერის“ აფეთქება.

29 იანვარი

1856 – დაარსდა ინგლისის ყველაზე პრესტიჟული სამხედრო ჯილდო – „ვიქტორიას რკინის ჯვარი“.

1861 – ამერიკის შეერთებული შტატების 34-ე შტატი გახდა კანზასი.

1927 – ლონდონში გაიხსნა სასტუმრო „Pank Lane Hotel“, რომელიც პირველი იყო მსოფლიოში ისეთ სასტუმროებს შორის, სადაც თითო ნომერს თავისი სააბაზანო ჰქონდა.

30 იანვარი

ჩვენს წელთაღრიცხვამდე 9 – რომში, მარსის მოედანზე, გაიმართა თეთრი მარმარილოს სკულპტურული რელიეფით დამშვენებული მშვიდობის საკურთხევლის საზეიმო კურთხევა.

1820 – ინგლისელები მიიჩნევენ, რომ ამ დღეს ოფიცერმა ედუარდ ბრენსფილდმა აღმოაჩინა ანტარქტიდა; ამერიკელები ამტკიცებენ, რომ ანტარქტიდა აღმოაჩინა ამერიკელმა ნათანიელ პალმერმა; თავის მხრივ, რუსებს აქვთ პრეტენზია, რომ ორი დღით ადრე ანტარქტიდა აღმოაჩინეს ბეინსჰაუზენმა და ლაზარევმა.

1911 – ფინეთში ამოიფრქვა ვულკანი ტაალი. 80 მეტრის სისქის ლავამ, რომელსაც მომწამლავი გაზი ახლდა, 10 კილომეტრი რადიუსის ტერიტორია დაფარა. დაიღუპა 2 000-მდე ადამიანი.

1932 – ფინეთში გამოცხადდა „მშრალი კანონი“.

1933 – გერმანიის კანცლერად აირჩიეს ჰიტლერი.

31 იანვარი

1714 – პეტრე პირველმა გამოსცა ბრძანება, რითაც წარჩინებულები დაავალდებულა, შვილებისთვის აუცილებლად ესწავლებინათ „ციფრები და გეომეტრია“.

1971 – 19 წლის შემდეგ აღდგა დასავლეთ და აღმოსავლეთ ბერლინს შორის სატელეფონო კავშირი.

1999 – ლატვია შევიდა ევროსაბჭოს შემადგენლობაში.

1 თებერვალი

1918 – პატრიარქმა ტიხონმა ანათემას გადასცა საბჭოთა ხელისუფლება.

1924 – დიდმა ბრიტანეთმა აღიარა საბჭოთა ხელისუფლება.

1930 – საბჭოთა კავშირში დაიწყო მასობრივი  კოლექტივიზაცია.

1946 – მოსკოვის სახელმწიფო უნივერსიტეტში შეიქმნა ბირთვული ფიზიკის სამეცნიერო კვლევითი ინსტიტუტი.

1951 – ტელევიზიით პირველად გადასცეს ბირთვული ბომბის აფეთქება ნევადის შტატიდან.

2 თებერვალი

1046 – ანგლოსაქსურ ქრონიკებში აღწერილია მკვეთრი აცივება – „მცირე გამყინვარების პერიოდი“.

1535 – ესპანელმა კონკისტადორებმა დააარსეს ბუენოს-აირესი – არგენტინის დედაქალაქი, სამხრეთ ამერიკის ერთ-ერთი უდიდესი პორტი.

1556 – ცენტრალურ ჩინეთში, შანსის პროვინციაში, მოხდა მსხვერპლის რაოდენობის მიხედვით ყველაზე გამანადგურებელი მიწისძვრა – დაიღუპა 820 ათასი ადამიანი.

1820 – ბროდვეიზე პირველად დაიდგა სრული პიესა.

1852 – ლონდონში, ფრით-სტრიტზე, გაიხსნა პირველი საზოგადოებრივი ტუალეტი.

1898 – ამერიკის ჰარტფორდის შტატში პირველად გაიცა სადაზღვევო პოლისი.

1918 – სახალხო კომიტეტის დეკრეტით, ეკლესია გამოეყო სახელმწიფოს, სკოლა – ეკლესიას.

1962 – პლანეტების აღლუმი.

3 თებერვალი

1815 – შვეიცარიაში გაიხსნა მსოფლიოში პირველი ყველის ქარხანა.

1830 – გამოცხადდა საბერძნეთის სახელმწიფო დამოუკიდებლობა. მანამდე ის თურქეთის სულთნის უღელქვეშ იყო.

1966 – საბჭოთა ავტომატურმა სადგურმა „ლუნა 9-მ“ პირველმა გადმოსცა დედამიწაზე მთვარის ლანდშაფტის გამოსახულება.

1995 – ჩატარდა „ნატოს“ პირველი სამხედრო სწავლებები ყოფილი გერმანიის დემოკრატიული რესპუბლიკის ტერიტორიაზე.