საჭირო ინგრედიენტები: 2 კილოგრამი კომბოსტო, 300 გრამი სტაფილო, 4 თავი ხახვი, 2-3 ცალი ბულგარული წიწაკა, 700 გრამი სოსისი, 2 სადილის კოვზი ტომატ-პასტა, 1 სადილის კოვზი შაქარი, მარილი და  შავი პილპილი – გემოვნებით, 3 ცალი დაფნის ფოთოლი, 200 გრამი წყალი, ზეთი.

მომზადების წესი: კომბოსტო დაჭერით კვადრატებად (1,5X1,5 სანტიმეტრი უნდა იყოს), ხახვი – წვრილ კუბიკებად. სტაფილო მსხვილკბილა სახეხზე გახეხეთ. სოსისი დაჭერით რგოლებად. ბულგარული წიწაკა – წვრილ ჩხირებად. კომბოსტო მოშუშეთ ცხელ ტაფაზე, ზეთში, ფერის შეცვლამდე. ცალკე მოშუშეთ ხახვი. ქვაბში ერთმანეთს შეურიეთ ხახვი, კომბოსტო, ბულგარული წიწაკა და სტაფილო. დაასხით წყალი, ჩაუმატეთ დაფნის ფოთოლი და  შუშეთ 5 წუთი. ცოტა ზეთში მოხრაკეთ სოსისი. მოასხით ტომატ-პასტა და  სოსისი და ტომატი შუშეთ ერთად 3 წუთის განმავლობაში.

ბოსტნეულს ჩაუმატეთ მზა სოსისი. უყავით მარილი, პილპილი, შაქარი და შუშეთ კიდევ 5 წუთი. შემდეგ გამორთეთ გაზქურა, ქვაბს დაახურეთ თავსახური და გააჩერეთ 20 წუთი. ძალიან გემრიელია. შეგიძლიათ, ზემოდან მწვანილიც მოაყაროთ.