საჭირო ინგრედიენტები: ქათმის 6 ცალი ბარკალი (კანის გარეშე), 2 სადილის კოვზი ზეითუნის ზეთი, 2 ცალი ბულგარული წიწაკა, 100 გრამი შებოლილი ლორი, 2 კბილი ნიორი, 500 გრამი დაკონსერვებული პომიდორი, ნახევარი ჭიქა თეთრი მშრალი ღვინო, ნახევარი ჭიქა დაკონსერვებული მწვანე ბარდა, ნახევარი ჭიქა ქათმის ბულიონი,  1 კონა ოხრახუში, მარილი და წიწაკა – გემოვნებით.

მომზადების წესი:  ქათმის ბარკლებს მოაყარეთ წიწაკა, მარილი და ზეთდასხმულ, გახურებულ ტაფაზე შეწვით. ბარკლები ამოიღეთ და ამავე ტაფაში მოათავსეთ წვრილად დაჭრილი წიწაკა და ლორი, ჩაუწიეთ ცეცხლს და მოშუშეთ, ხუთი წუთის შემდეგ დაუმატეთ თხლად დაჭრილი ნიორი, სანელებლები, მწვანე ბარდა, პომიდორი და ღვინო, შიგ ჩააწყვეთ ქათმის ნაჭრები, დაახურეთ თავსახური და დაბალ ცეცხლზე შუშეთ 25-30 წუთის განმავლობაში. მზა კერძს მოაყარეთ წვრილად დაჭრილი ოხრახუში.