ბულგარეთის პრეზიდენტის, როსენ პლევნელიევის საახალწლო მილოცვის დროს ტელეეთერში, ბულგარეთის ნაცვლად, პრეზიდენტის ფონად კოლორადოს შტატის მთიანი კურორტები იყო ნაჩვენები. თავის გამოსვლაში პრეზიდენტი ბულგარეთის ლამაზ მხარეებზე საუბრობდა და მის საუბარს ფონად ამერიკის ფოტოები ერთვოდა. ამ ფაქტმა დიდი რეზონანსი გამოიწვია მოსახლეობაში. აღმოჩნდა, რომ ის ფოტოები, რომლებიც ბულგარეთის პეიზაჟად გასაღდა, სინამდვილეში პრეზიდენტის ადმინისტრაციასთან შეთანხმებით იყო ნაჩვენები პირდაპირ ეთერში და, ყველას, მათ შორის ტელევიზიის თანამშრომლებსა და ადმინისტრაციის წევრებს, ეგონათ, რომ კოლორადოს ნაცვლად ეს ფოტოები ბულგარეთში, სამთო კურორტ პამპორპვოში იყო გადაღებული.