მშობლიურ სტადიონ „ოლდ ტრაფორდზე” ინგლისის ერთ-ერთმა ყველაზე ტიტულოვანმა კლუბმა „მანჩესტერ იუნაიტედმა” საქველმოქმედო გალა-საღამო გამართა. სტადიონის საბანკეტო დარბაზში თავი მოიყარეს კლუბის წევრებმა მეუღლეებთან ერთად. უკლებლივ ყველა ფეხბურთელი შავ კოსტიუმში იყო გამოწყობილი, ხოლო ქალბატონებს საღამოს კაბები ეცვათ. საქველმოქმედო საღამოზე 130 ათასი გირვანქა სტერლინგის შეგროვება მოხერხდა. აღსანიშნავია, რომ საღამოს „მანჩესტერ იუნაიტედის” მთავარი მწვრთნელი, ალექს ფერგიუსონი არ დასწრებია, რადგან, მომავალი მეტოქის განხილვით იყო დაკავებული სამწვრთნელო შტაბთან ერთად.