რაიმონ დომენეკის „იმბეცილთა ხროვა”
საფრანგეთის ეროვნული ნაკრების ყოფილმა მთავარმა მწვრთნელმა, რაიმონ დომენეკმა გამოსცა ავტობიოგრაფიული წიგნი „სულ მარტო,” რომელშიც ნაკრებში გატარებულ პერიოდსა და 2010 წლის მსოფლიო ჩემპიონატის სკანდალზე მოუთხრობს მკითხველს. სკანდალში მონაწილე ფეხბურთელები დომენეკმა „იმბეცილთა ხროვად” მოიხსენია. მისი კრიტიკის ობიექტები გახდნენ ქარიმ ბენზემა, სამირ ნასრი და იოან გურკუფი, ხოლო სკანდალის მთავარ მოქმედ პირს, ნიკოლა ანელკას, „დიდი ფეხბურთელი“ უწოდა, რომელმაც „მოკლა გუნდი”. დომენეკის კრიტიკის ობიექტი გახდა ფრანკ რიბერიც, რომელსაც წიგნის ავტორმა „პრიმადონა” შეარქვა. რაიმონ დომენეკმა საფრანგეთის ნაკრების მწვრთნელის თანამდებობა სკანდალურად დატოვა 2010 წლის მუნდიალის პერიოდში.