საჭირო ინგრედიენტები:  ცომისთვის – 2 ჭიქა თბილი წყალი, 1 ჩაის კოვზი მარილი, 2 ჩაის კოვზი მშრალი საფუარი, 1 ჩაის კოვზი შაქარი, ნახევარი ჭიქა ზეთი, 1, 2 კილოგრამი ფქვილი. გულსართისთვის: 800 გრამი კომბოსტო, 2 თავი ხახვი, ზეთი  მოსაშუშად, მარილი, პილპილი და კამა – გემოვნებით.

მომზადების წესი: საფუარი აურიეთ 2 ჭიქა ფქვილში. თბილ წყალში გახსენით შაქარი, მარილი და შეურიეთ ფქვილიან საფუარს, შემდეგ დაამატეთ დანარჩენი ფქვილი და ზეთი. უნდა მიიღოთ ნაზი ცომი. ცომი მოათავსეთ ჯამში, გადააფარეთ ტილო და დადგით თბილ ადგილას, რომ აფუვდეს. კომბოსტო თხლად აკეპეთ, ხახვი დაჭერით ალყა-ალყა, წვრილად დაჭერით კამა. ხახვი და კომბოსტო ზეთში მოშუშეთ, დაუმატეთ მარილი, პილპილი და კამა. აფუებული ცომი დაყავით პატარა გუნდებად, შიგ მოათავსეთ გულსართი და დააწყვეთ ფქვილმოყრილ თუნუქის ფურცელზე, რომ ცოტა ამოფუვდეს. ღვეზელებს შეგიძლიათ ზემოდან წაუსვათ დამდნარი ცხიმი ან კვერცხის გული, რომ მოიბრაწოს. გამოაცხვეთ კარგად გახურებულ ღუმელში დაახლოებით 30 წუთის განმავლობაში.