წარსულში ცნობილი რუმინელი ფეხბურთელი, „ბარსელონისა” და რუმინეთის ნაკრების მცველი გეორგე პოპესკუ ბუქარესტის სასამართლომ ფულის „გათეთრებაში“, თაღლითობასა და გადასახადების გადახდისგან თავის არიდების მუხლებში დამნაშავედ ცნო და სამწლიანი პატიმრობა შეუფარდა, რომელიც აპელაციის შემდეგ პირობით სასჯელში გადაუტანა. პოპესკუს 1999-2005 წლებში რუმინულ ფეხბურთში განხორციელებულ უკანონო ტრანსფერებში მონაწილეობა ედებოდა ბრალად. მის გარდა, სასამართლოს წინაშე წარდგნენ ბუქარესტის „დინამოს”, „სტიაუასა” და „რაპიდის” მაღალჩინოსნები. ცნობისთვის, პოპესკუს 115 მატჩი აქვს ნათამაშები რუმინეთის ნაკრებში, მისი და კი მეორე ლეგენდარული რუმინელი ფეხბურთელის – გეორგე ჰაჯის  ცოლია.