საინტერესო შემთხვევა მოხდა ბრაზილიის საფეხბურთო ჩემპიონატის მიმდინარეობის დროს: „კორინთიანსი”-„კურიტიბას” მატჩის მსვლელობისას მოედანზე ფეხბურთის ცალფეხა ქომაგი გამოვარდა, რის გამოც მატჩის შეჩერება გახდა საჭირო. სტადიონის სტიუარდებსა და პოლიციას ფეხბურთის მოყვარულის დაკავება გაუჭირდათ, რადგან, ხეიბარი ახალგაზრდა სპორტსმენისთვის შესაშური სისწრაფით გადაადგილდებოდა მოედანზე. საბოლოოდ, ცალფეხა ქომაგი მოედნიდან გაიყვანეს და ადმინისტრაციული ჯარიმა გამოუწერეს.