საჭირო ინგრედიენტები: 1-1,200 კილოგრამი ქათამი, 100 მილილიტრი რძე, 1 თავი ნიორი, 80 მილილიტრი წყალი, მარილი, ზეთი.

მომზადების წესი: გაწმენდილ და გარეცხილ ქათამს წაუსვით მარილი, ზეთი და შეწვით, გნებავთ – აირღუმელში, გნებავთ – ქურაზე.

სანამ ქათამი იწვება, გაარჩიეთ ნიორი და დანაყეთ, რძე კი წყლით გააზავეთ.

მზა ქათამი გამოიღეთ და ტაფაზე დარჩენილი ცხიმი მოაგროვეთ ფიალაში. ქათამი დაჭერით და მოათავსეთ ღრმა ტაფაში ან ცეცხლგამძლე ფაიფურის ქვაბში.

მოამზადეთ მოსასხმელი სოუსი: ადუღებამდე მიიყვანეთ წყალნარევი რძე, უყავით ცოტა მარილი. ჩაასხით ფიალაში გადმოღებული ცხიმი, ჩაყარეთ დანაყილი ნიორი, კარგად აურიეთ და ცხელივე მოასხით დაჭრილ ქათამს. დადგით კერძი დაბალ ცეცხლზე, სულ რაღაც, 2 წუთით. უგემრიელესია.