საჭირო ინგრედიენტები:  1 ღორის ჯიგარი და ბადე-ქონი, 500 გრამი ხახვი, 2 კონა ქინძი, 2 სუფრის კოვზი ხმელი ქონდარი, 1 ჩაის კოვზი ძირა,  1 ჭიქა ტყემალი ან პომიდვრის საწებელი, მარილი და წიწაკა გემოვნებით.

მომზადების წესი: წვრილად დაჭრილი ჯიგარი და ბადე-ქონი ჩაყარეთ ქვაბში დაჭრილ ხახვთან ერთად, დაასხით წყალი და დადგით ცეცხლზე. როცა ჩაიშუშება, დაუმატეთ სანელებლები, დაჭრილი ქინძი, ტყემალი ან პომიდვრის საწებელი, ცხელი წყალი სასურველი სისქის მისაღებად და ადუღეთ ხორცის სრულ მომზადებამდე.