* მონღოლეთის  სიმბოლოდ ძველთაგანვე ითვლებოდა ხუთი ცხოველი: ცხენი, თხა, ცხვარი, აქლემი და იაკი.

* რობინ ჰუდს სინამდვილეში რობერტი ერქვა, მისი ზედმეტი სახელი კი ქართულად „კაპიუშონს“ ან „ჩაჩს“ ნიშნავს.

* საბჭოთა კავშირში გვიანობამდე ახსოვდათ და ხშირად ახსენებდნენ წითელ თუმნიანებს, რომელიც მეოცე საუკუნის შუა წლებში იყო მიმოქცევაში. ათი რუბლის ღირებულების მქონე ამ კუპიურებს ფერის გამო ხალხში კიბორჩხალებს ეძახდნენ.

* ნაფტალინის გამოყენება ჩრჩილის პეპლის საწინააღმდეგოდ 1887 წელს დაიწყეს, 100 წლის შემდეგ კი მისი გამოყენება, როგორც სრულიად უსარგებლო, აკრძალეს.

* ივანე მრისხანეს დროს მიმოქცევაში შევიდა ნახევარი კაპიკის ღირებულების ვერცხლის მონეტები, ეგრეთ წოდებული, „პოლუშკები“ – „ნახევრები“. მოგვიანებით ეს სახელი პოლონურიდან ნასესხებმა სიტყვამ – გროშმა შეცვალა.

* მეორე მოგზაურობის დროს, როდესაც ამერიკიდან ბრუნდებოდნენ,  მეზღვაურებმა ბუნტი წამოიწყეს. ეკიპაჟი მოითხოვდა თავიდან მოეშორებინათ ზედმეტი მჭამელები – ინდიელები, რომლებიც თან მიჰყავდათ. კოლუმბმა დაამშვიდა მეზღვაურები: არ არის საჭირო, თითქმის შინ ვართო და ასე გადაარჩინა ისინი აშკარა სიკვდილს. 

* ამერიკის კონტინენტი პირველად დაინახა როდრიგო დე ტრიანამ... თუმცა ამისთვის დაწესებული ჯილდო არ მიუღია.

* ძველვეგეტარიანელები ახალვეგეტარიანელებისგან განსხვავდებიან ორი პროდუქტის მიმართ დამოკიდებულებით: ძველვეგეტარიანელები არ ჭამენ რძის პროდუქტებსა და კვერცხს. ახლების კვებით რაციონში კი ეს პროდუქტები შედის.

* მეცნიერებმა დაადგინეს, რომ ადამიანის ორგანიზმიდან ყოველდღიურად გამოიდევნება 2,5 ლიტრი წყალი. ლიტრ-ნახევარს ადამიანი იღებს წყლის, კომპოტის, ჩაის, ყავის, წვნიანის სახით. ერთი ლიტრი კი გამოიყოფა ორგანიზმში მიმდინარე ქიმიური რეაქციების დროს.

* ერთ-ერთმა პირველმა პროფესიონალურმა მოჭადრაკემ, სირიელმა ფილიპ სტამმა 1737 წელს გამოსცა წიგნი, სადაც ის ყველა მოჭადრაკეს ურჩევდა, თამაშის დროს გამოეყენებინათ სამხედრო სტრატეგიის რეკომენდაციები.

* ალბანელები მეტად თავისებურად აღნიშნავენ 1 მაისს – ისინი ამ დღეს აუცილებლად ჭამენ... ნიორს. სწორედ 1 მაისს დგება ვალპურგის ღამე და ალბანელები ნივრით უწმინდურ ძალებს განდევნიან.