2012 წლის 22 ნოემბერს, საქართველოს პარლამენტის ეროვნულ ბიბლიოთეკაში ჩატარდება ღონისძიება „საქართველოს საქმიანი ქალები – ქველმოქმედებისთვის“ ინიციატივით, რომლის ერთ-ერთი დამფუძნებელი დიზაინერი თინათინ მაღალაშვილია, თავმჯდომარე კი – „საქართველოს პედიატრ-ჰემატოლოგთა და ონკო-ჰემატოლოგთა კავშირის“ წევრი თამთა დემურიშვილი. დიზაინერი თინათინ მაღალაშვილი მართავს ჩვენებას სახელწოდებით – Fashion Marathon. ღონისძიება საქველმოქმედო ხასიათს ატარებს და გაიმართება ლეიკემიით დაავადებული ბავშვების დასახმარებლად, დევიზით – „ლეიკემია იკურნება“, სადაც, დიზაინერები თინათინ მაღალაშვილი და მადონა ხარატიშვილი წარმოადგენენ უახლეს კოლექციას. მარათონი ყოველ წელს, 22 ნოემბერს გაიმართება. 

პროექტში მონაწილეობის მისაღებად, ჩეხეთიდან ჩამოდიან: ახალგაზრდა ტოპ-მოდელი დომენიკა, ევროპაში ცნობილი იმიჯმეიკერი ალექს ვერნიკი და პრაღაში საქველმოქმედო ფონდ „ბრილიანტის გულის” პრეზიდენტი იანა სინკოვა. უნდა აღინიშნოს ისიც, რომ პროექტის გასაშუქებლად ჩამოვლენ ჩეხეთის წამყვანი ტელევიზიები. Fashion Marathon-ის თანამონაწილეა ბიზნესკომპანია, შემოსული თანხა გადაირიცხება ფონდის – „საქართველოს საქმიანი ქალები – ქველმოქმედებისთვის“ ანგარიშზე და გადაეცემა ლეიკემიით დაავადებულ ბავშვთა დახმარების საკოორდინაციო ჯგუფს. 

გვახსოვდეს: ლეიკემია იკურნება!