ფეხბურთის არგენტინელი ვარსკვლავი ლიონელ მესი მამა გახდა. „ბარსელონას” ვარსკვლავს და მის მეგობარ გოგონას, ანტონელას ვაჟიშვილი, ტიაგო შეეძინათ. ბავშვი სტადიონ „კამპ ნოუსთან” ახლოს მდებარე სამშობიაროში დაიბადა. „მსოფლიოში ყველაზე ბედნიერი ადამიანი ვარ, ბიჭი მყავს და ამისთვის ღმერთს მადლობას ვუხდი,” – დაწერა თავისი „ფეისბუქის” გვერდზე ლიონელ მესიმ და რამდენიმე წამში ამ ცნობამ 150 ათასზე მეტი „ლაიქი” დააგროვა. ტიაგოს დაბადება კატალონიურმა კლუბმა თავისებურად მიულოცა მესის და მცირე ზომის საკლუბო მაისური აჩუქა, რომელზეც მესის ათნომრიან მაისურს ტიაგო აწერია.