ყოფილმა მსოფლიოს ჩემპიონმა ცხენოსნობაში იუნიორებს შორის და ამჟამად ამერიკის ერთ-ერთმა ყველაზე წარმატებულმა მოდელმა ქეით აპტონმა თაყვანისმცემლები ახალი ექსკლუზიური ფოტოებით დაასაჩუქრა, რომლებიც საკუთარ „ტვიტერზე” განათავსა. გულახდილ ბიუსტჰალტერში გამოწყობილი მოდელის ფოტოები 60-იანი წლების სტილშია გადაღებული. ცნობილია, რომ აპტონი გატაცებულია ამერიკული ფეხბურთითა და კალათბურთით და ფავორიტი გუნდებიც კი ჰყავს. როგორც ამბობენ, იმისთვის, რომ კარგად გამოიყურებოდეს, ქეითი ხშირად შიმშილობს და ყველაზე მეტად საყვარელ პიცაზე უჭირს უარის თქმა.