პოლონეთის საფეხბურთო კავშირის ახალ პრეზიდენტად აირჩიეს წარსულში ცნობილი ფეხბურთელი, „იუვენტუსის” ვარსკვლავი, ზბიგნევ ბონეკი – 80-იანი წლების ევროპული ფეხბურთის ლეგენდა, რომლის კანდიდატურას 118 დელეგატიდან 61-მა დაუჭირა მხარი. ბონეკს ოთხი წლის წინათაც სურდა პრეზიდენტობა, თუმცა, მაშინ არჩევნებში კიდევ ერთ ლეგენდარულ პოლონელ ფეხბურთელთან, გრჟეგოჟ ლიატოსთან დამარცხდა, რომელიც „ევრო 2012-ზე“ პოლონეთის ნაკრების ჯგუფიდან ვერგასვლის გამო თანამდებობიდან გადადგა. აღსანიშნავია, რომ ბონეკი 1999-2002 წლებში პოლონეთის საფეხბურთო კავშირის ვიცე-პრეზიდენტი იყო და, ასევე, ერთხანს ნაციონალურ გუნდსაც წვრთნიდა.