... ჩემი დიდი ბაბუა ხევისბერი იყო და ყოველთვის ეხმარებოდა იმ ადამიანებს, რომელთაც სულიერად უჭირდათ. მეც ვცდილობ, ადამიანები გამოვიყვანო რთული სიტუაციებიდან, რომ მთლიანად არ დაინგრიონ საკუთარი პიროვნება. არ მოახდინონ ენერგეტიკული ველის დეფორმაცია, რომლის აღდგენა შემდეგ გაცილებით რთულია. როცა ადამიანის შინაგანი ენერგიების ბალანსი ირღვევა, ეს მის ფიზიკურ სხეულზეც აისახება. ადამიანს ეწყება დეპრესია. უკონტაქტო, აგრესიული და საკუთარ თავში ჩაკეტილი ხდება. უჩნდება მიდრეკილება თვითგანადგურებისკენ. თუ ადამიანი კარგად გისმენს და მოგყვება, მისი კრიტიკული მდგომარეობიდან გამოყვანა შესაძლებელია. უგვარდება პრობლემები; მისი ცხოვრება უკეთესობისკენ იცვლება; სიხარული უბრუნდება. 

ადამიანი თავად არის თავისი ბედის მჭედელი. ცუდი როგორ არ ხდება, მაგრამ ხშირად ჩვენვე ვუწყობთ ხელს ჩვენში ნეგატიური ენერგიის შემოდინებას და დაგროვებას.

ვაკეთებთ მედიტაციებს, ვსაუბრობთ დიდხანს, რამდენიმე დღის განმავლობაში ვხვდები, აუცილებელია მისი ენერგიების დაბალანსება, აურის გაწმენდა. საკუთარ შესაძლებლობებში მისი დარწმუნება.