ესპანური „ბარსელონის” მცველს მარტინ მონტოიას, რომელიც კლუბში ტიტო ვილანოვას მთავარ მწვრთნელად დანიშვნის შემდეგ გამოჩნდა ძირითად შემადგენლობაში, ტაქსის მძღოლის დაყაჩაღება ედება ბრალად. ტაქსისტის მტკიცებით, ფეხბურთელმა მისი საფულე ჩაიჯიბა. ინციდენტი მადრიდში, ბარახასის აეროპორტის გზაზე მოხდა. თავად მონტოია კატეგორიულად უარყოფს საფულის მოპარვის ფაქტს და მძღოლს აფერისტობაში სდებს ბრალს. აღსანიშნავია, რომ ავტომობილში მონტოიასთან ერთად „ბარსელონის” კიდევ ორი ფეხბურთელი და კლუბის ექიმი იმყოფებოდნენ, რომლებიც ტაქსის მძღოლს ასევე ცრუ ბრალდების გახმაურებაში ადანაშაულებენ.