ლეგენდარული ჰოლანდიელი ფეხბურთელის იოჰან კრუიფის ბარსელონაში მდებარე ბინა ბოროტმოქმედებმა დააყაჩაღეს და, ესპანური მედიის ცნობით, დაახლოებით 500 ათასი ევროს ღირებულების ძვირფასეულობა და ძვირად ღირებული ნივთები წაიღეს. აღსანიშნავია, რომ თავად კრუიფი და მისი ოჯახის წევრები არ იმყოფებიან ესპანეთში და მექსიკაში მოგზაურობენ. პოლიციამ უკვე დაიწყო აღნიშნული ფაქტის გამოძიება. შეგახსენებთ, რომ იოჰან კრუიფი „ბარსელონის” საპატიო პრეზიდენტი და კატალონიის საპატიო მოქალაქეა. მისი შვილი, ჯორდი კრუიფი ჰოლანდიის ნაკრებში თამაშის მიუხედავად, თავს კატალონიელად მიიჩნევს და არაღიარებული კატალონიის ნაკრების წევრი იყო ხანგრძლივი დროის განმავლობაში.