ნებისმიერი ადამიანისთვის აუცილებელია იმ ძალების აღდგენა, რომლებიც დედამიწიდან და კოსმოსიდან მოდის ჩვენამდე და გვავსებს და გვამარაგებს სასიცოცხლოდ საჭირო, აუცილებელი ენერგიებით.
 თითოეულ ჩვენგანს სჭირდება ბუნებრივი ენერგიის წყარო, რომელსაც ასტროლოგები „დედამიწის ძალას“ უწოდებენ. სწორედ ამის საშუალებით ვკვებავთ ჩვენს ნერვულ სისტემას, შიდა ორგანოებს და სულსაც კი.
 ბუნების ძალები სამ კატეგორიად იყოფა, ესენია: უნივერსალური, დედამიწისა და კოსმიური ძალები.
უნივერსალური, ანუ, როგორც მას უწოდებენ, ზეციური ძალა, ვლინდება, როგორც პლანეტებისა და გალაქტიკის ერთობლივი ენერგია. ეს ძალა კვებავს სამყაროში ყველაფერს, მათ შორის ადამიანის სულსა და გონებას და სამყაროში მის ყველა გამოვლინებას უწყობს ხელს. ადამიანები ამ ენერგიებს მხოლოდ ზედა კოსმოსური ხვრელიდან იღებენ. სხვათა შორის, მას „ადამიანის გონების ენერგიასაც“ უწოდებენ. დედამიწასა და მთვარეს შორის არსებობს უდიდესი მიზიდულობის ძალა. ამით იქმნება ერთიანი მაგნიტური ველი, რომელიც დედამიწისკენ მიმართავს ჩვენი გალაქტიკის ყველა ვარსკვლავის ენერგიას და მას ადამიანის ერთიან ენერგეტიკულ ველზე უდიდესი გავლენის მოხდენის უნარი აქვს.
დედამიწის ძალა შეიცავს მცენარეების, ცხოველებისა და დედამიწის ყველა ბუნებრივი მინარევის ენერგიას ერთიანად.
როცა მცენარე ზრდის დროს ზევით მიიწევს, ამით კოსმიურ ენერგიას შთანთქავს და ზრდის პროცესსა და საზრდოობას განაგრძობს. ცხოველები კი ბალახისა და სხვა მცენარეების საშუალებით იღებენ ამ კოსმიურ ენერგიას. რაც შეეხება ადამიანს, დედამიწის ძალას ის ფეხისგულში მდებარე წერტილებიდან იღებს, შემდეგ ჭიპის ქვედა მხარეს ათავსებს და ასე იზოგავს მას. ასე რომ, თუ გსურთ, სასიცოცხლო ენერგია აღიდგინოთ, მოიხსნათ სტრესი, იგრძნოთ შვება და დედამიწის ენერგიით დაიმუხტოთ, ხშირად იარეთ ბალახზე ფეხშიშველმა.
 მესამე კოსმიურ ძალას ასტროლოგები „ადამიანის სასიცოცხლო ძალასაც“ უწოდებენ. ის უნივერსალურ ძალათა ნაწილია და მთელ კოსმოსს ავსებს ამ ძალებით. ყოველი ჩვენგანი კოსმიური ძალის უმაღლესი გამოვლინებაა. ის ამ ენერგიას მედიტაციისა და სასუნთქი აპარატის (ცხვირი, ფილტვები) მეშვეობით ითვისებს და შეიწოვს, რითაც შემდეგ ენერგიის საწყის წყაროს უკანვე იბრუნებს.
ადრე ადამიანის კანის უჯრედებს შეეძლო, შთაენთქა და ენერგიულ საკვებად გამოეყენებინა კოსმიური და სინათლის ენერგიის დაახლოებით ოთხმოცი პროცენტი. შემდგომ კი ადამიანმა დაიწყო სექსუალური ენერგიის არასწორად გამოყენება, რასაც მისი უჯრედების დეგრადირება და გადაგვარება მოჰყვა. სწორედ ამის შედეგია, რომ დღეს ადამიანს კოსმიური ენერგიის მხოლოდ ათი პროცენტის გამოყენება შეუძლია. ჩვენ ბუნებრივი ცხოვრების წესის გამო დავშორდით ჩვენს შინაგან „მეს“, ბუნებას და კოსმიურ ძალებთან კონტაქტს, გონება კი სხვა სფეროებით გადაიტვირთა და, ამიტომ, თანდათან შორს აღმოვჩნდით კოსმიური ძალებისგან. საჭირო ენერგიას კი ადამიანი იღებს მცენარეებით, ბოსტნეულით, მინერალებით, ცხოველის ხორცით. ასეთი საკვების მიღებით გამოფიტული ორგანიზმი კოსმიური ენერგიით ივსება.