ჯგუფ „ენსის” ყოფილი წევრი და ახლა უკვე საოპერო მომღერალი ეკა გაბიტაშვილი 1 ოქტომბერს პატარა ვაჟკაცის დედა გახდა. ეკა გათხოვების შემდეგ მეუღლესთან, ხვიჩასთან ერთად, მოსკოვში გადავიდა საცხოვრებლად და იქ აქტიურად განაგრძობს წარმატებულ საოპერო კარიერას. ეკა მოსკოვის არაერთ დიდ თეატრთან თანამშრომლობდა და ბოლოს „ქოვენ გარდენშიც” აპირებდა სწავლის გაგრძელებას. მაგრამ, პატარა დათომ დედიკოს გეგმები მთლიანად აურია. ამიტომაც, შვილის გამო, ეკამ ჯერჯერობით კარიერაში „ტაიმ აუტი“ აიღო. პატარა დავითი 3,700 კილოგრამი და 52 სანტიმეტრი დაიბადა მოსკოვის ერთ-ერთ სამშობიარო სახლში, ქართველ ექიმთან, ქეთი ახვლედიანთან. ფიზიოლოგიურმა მშობიარობამ ყოველგვარი გართულების გარეშე ჩაიარა და დღეს დედაც და შვილიც თავს ძალიან კარგად გრძნობენ. რადგან დათოს მამა, ხვიჩა, რუსეთის მოქალაქეა, ამიტომ, პატარაც ავტომატურად რუსეთის მოქალქე გახდა. ეკას და ხვიჩას ვულოცავთ ვაჟკაცის დაბადებას, ჯანმრთელობასა და სიკეთეს ვუსურვებთ!