31 წლის პუერტორიკოელმა მოკრივემ, ოლიმპიური თამაშების მონაწილემ და მსოფლიოს ერთ-ერთმა საუკეთესო მოკრივემ ნახევრადმსუბუქ წონაში, ორლანდო კრუსმა, აღიარა, რომ გეია. „მსურს, ვიყო მისაბაძი სპორტსმენი დამწყები მოკრივეებისთვის. 24 წელია, სპორტით ვარ დაკავებული და მიმაჩნია, რომ ამჟამად საუკეთესო ფორმაში ვიმყოფები. ამასთან ერთად მსურს განვაცხადო, რომ ვარ გეი და ვამაყობ ამ ფაქტით”, – განუცხადა კრუსმა ჟურნალისტებს. ორლანდო პირველი პროფესიონალი მოკრივეა, რომელმაც ღიად განაცხადა საკუთარი არატრადიციული სექსუალური ორიენტაციის შესახებ.