ზაგრების „დინამოს” ფეხბურთელს, დომოგაი ვიდას, სავარაუდოდ, ერთ-ერთი ყველაზე მკაცრი ფულადი ჯარიმა დაუწესეს მსოფლიო ფეხბურთის ისტორიაში. ფეხბურთელმა ქილიდან დალია ლუდი და ამ ფაქტის მომსწრე გახდა კლუბის ხელმძღვანელობა. ინციდენტი საკლუბო ავტობუსში მოხდა, რომლითაც ფეხბურთელები ხორვატიის თასის მატჩის ჩასატარებლად მიემართებოდნენ. ვიდას ქილიდან ლუდის დალევა 100 ათასი ევრო დაუჯდა, რამდენიმე ხნით ადრე კი, მის თანაგუნდელს, ბრაზილიელ სამირს, ზაგრების ერთ-ერთ ღამის კლუბში სტუმრობის გამო, ჯარიმის სახით 270 ათასი ევრო გადაახდევინეს, რაც ასევე უპრეცედენტო ჯარიმაა მსგავსი დანაშაულისთვის.