ჰონკონგის ერთ-ერთმა უმდიდრესმა მცხოვრებმა, სესილ ჩაო შეცზიუნმა, სოლიდური ჯილდო დააწესა მამაკაცისთვის, რომელიც შეძლებს მისი ლესბოსელი ქალიშვილის გულის დაპყრობას. შვილის „ჭეშმარიტების გზაზე“ დაყენებისთვის ბიზნესმენი 65 მილიონ დოლარს „ჩამოდის“. 76 წლის მილიონერს მისი ქალიშვილის, გიგი ჩაოს მომავალი სატრფოს ქონებრივი მდგომარეობა არ აინტერესებს, მთავარია, კეთილი გული ჰქონდეს. ეს გადაწყვეტილება ოლიგარქმა მას შემდეგ მიიღო, რაც გიგი ჩაო თავის მეგობარ გოგონას გაჰყვა ცოლად. ეს პარიზში მოხდა, რადგან ჰონკონგში ერთსქესიანთა ქორწინება არ არის მიღებული. მაგნატი დარწმუნებულია, რომ ფულადი ჯილდო „სტიმული იქნება მათთვის, ვისაც შეუძლია, მაგრამ, სახსრები არ აქვს საკუთარი ბიზნესის წამოსაწყებად“.
თავად სესილ ჩაო შეცზიუნი, სოლიდური ასაკის მიუხედავად, სრულიადაც არ არის ოჯახური ტრადიციების დამცველი. ის რეგულარულად ჩნდება პუბლიკის წინაშე თავის ახალგაზრდა მეგობარ გოგონასთან ერთად, ერთხელ კი ისიც თქვა, რომ მის საწოლში 10 ათას ქალს გაუვლია.