მექსიკელი მოკრივის, ხულიო სესარ ჩავეს-უმცროსის სისხლში ნარკოტიკული საშუალება – მარიხუანა აღმოაჩინეს. არგენტინელ სერხიო მარტინესთან სატიტულო შეხვედრაში განცდილი მარცხის შემდეგ მოკრივეს დოპინგ-ტესტი ჩაუტარდა, რომელმაც მის სისხლში აკრძალული საშუალება – მარიხუანა აღმოაჩინა. ამჟამად ჩავეს-უმცროსს საკრივო ლიცენზიის დაკარგვა ემუქრება და იმ სამ მილიონ დოლარზე უარი, რაც მას მარტინესთან შეხვედრაში ეკუთვნოდა. საინტერესოა, რომ ჩავეს-უმცროსი მანამდეც არაერთხელ ჩავარდნილა უხერხულ სიტუაციაში: მას აკრძალული მედიკამენტები რამდენჯერმე აღმოუჩინეს სისხლში, 2012 წლის დასაწყისში კი იგი ავტომობილის არაფხიზელ მდგომარეობაში მართვის ფაქტზე დააკავეს.