17 სექტემბერი

1630 – ამერიკის შეერთებულ შტატებში დაარსდა ქალაქი ბოსტონი.

1871 – ლონდონში დაარსდა „I ინტერნაციონალი“.

1922 – ბერლინში გაიმართა პირველი ხმოვანი ფილმის ჩვენება.

1953 – გაკეთდა სიამის ტყუპების გაყოფის პირველი წარმატებული ოპერაცია.

18 სექტემბერი

1698 – ბასტილიაში გადაიყვანეს პატიმარი, რომელიც ისტორიაში შევიდა, როგორც „ადამიანი რკინის ნიღაბში“.

1810 – ჩილე გახდა დამოუკიდებელი სახელმწიფო.

1851 – გამოვიდა გაზეთ „ნიუ-იორკ თაიმსის“ პირველი ნომერი.

1932 – სახელმწიფო ჰიჯაზს ეწოდა საუდის არაბეთი.

19 სექტემბერი

1356 – ასწლიანი ომის მსვლელობაში ინგლისელებს ტყვედ ჩაუვარდა საფრანგეთის მეფე ჟან კეთილი.

1783 – ძმებმა მონგოლფიერებმა გაუშვეს პირველი საჰაერო ბურთი, რომლის მგზავრი იყო ცხვარი.

1893 – ახალი ზელანდია გახდა პირველი სახელმწიფო, სადაც არჩევნებში მონაწილეობის უფლება მიეცათ ქალებს.

1939 – საბჭოთა არმიამ მოახდინა ლიტვის ოკუპაცია.

1946 – უინსტონ ჩერჩილი გამოვიდა ევროსაბჭოს შექმნის ინიციატივით.

1957 – ნევადას პოლიგონზე განხორციელდა პირველი მიწისქვეშა ბირთვული აფეთქება.

20 სექტემბერი

622 – ჰიჯრა (წინასწარმეტყველ მუჰამედის გაქცევა მექადან მედინაში) მუსლიმანური წელთაღრიცხვის დასაწყისი.

1519 – დაიწყო ფერნანდო მაგელანის მოგზაურობა დედამიწის გარშემო.

1870 – ჯუზეპე გარიბალდის ჯარებმა აიღეს რომი, დასრულდა იტალიის გაერთიანება.

1918 – დახვრიტეს 26 ბაქოელი კომისარი (მათ შორის ორი ქართველი იყო).

2002 – ჩრდილოეთ ოსეთში კარმადონის ხეობაში ჩამოწოლილმა მეწყერმა რუს კინემატოგრაფისტთა ჯგუფი შეიწირა (მათ შორის მსახიობი სერგეი ბოდროვი).

21 სექტემბერი

1648 – დაიწყო უკრაინელთა აჯანყება პოლონელთა ბატონობის წინააღმდეგ.

1792 – საფრანგეთის კონვენტმა ოფიციალურად მეფობიდან გადააყენა მეფე ლუი მეთექვსმეტე.

1988 – დაიწყო ყარაბაღის კონფლიქტი.

22 სექტემბერი

1499 – შვეიცარია გახდა დამოუკიდებელი სახელმწიფო.

1692 – უკანასკნელი აუტოდაფე ჩრდილოეთ ამერიკაში, მასაჩუსეტსში ჩამოახრჩეს რვა „ალქაჯი“.

1980 – დაიწყო ირან-ერაყის ომი.

1990 – ინგლისელმა სტივ ვუდმორმა დაამყარა უჩვეულო რეკორდი სწრაფად საუბარში მან 1 წუთში წარმოთქვა 637 სიტყვა.

23 სექტემბერი

1846 – იოჰან ჰალემ აღმოაჩინა მზის სისტემის მერვე პლანეტა ნეპტუნი.

1913 – ფრანგმა პილოტმა როლან გაროსმა პირველმა გადაუფრინა ხმელთაშუა ზღვას.

1930 – იოჰან ოსტერმაიერმა დააპატენტა ფოტონაპერწკალი („ვსპიშკა“).

1952 – მსოფლიოს ჩემპიონი კრივში გახდა როკი მარჩიანო.