ხუთწლიანი სასამართლო დავა დასრულდა და იტალიის ნაკრების ექსთავდამსხმელს კრისტიან ვიერის, კომპენსაციის სახით, „ინტერმა” და სატელეკომუნიკაციო კომპანია „ტელეკომ იტალიამ,” სასამართლოს განჩინებით ერთი მილიონი ევრო უნდა გადაუხადონ. გამოძიების ვერსიით, კლუბი ვიერის სატელეფონო საუბრების არასანქცირებულ მოსმენებს ახორციელებდა და ამაში მას კომპანია ეხმარებოდა. ვიერიმ ჯერ კიდევ ხუთი წლის წინ უჩივლა „ინტერნაციონალეს” ხელმძღვანელებს და ისინი მის პირად ცხოვრებაში ჩარევაში დაადანაშაულა. თავდაპირველად, ვიერი  21 მილიონ ევროს ითხოვდა, თუმცა საბოლოოდ, სასამართლომ მას კომპენსაციის სახით, ერთი მილიონის მიღება დაუკანონა.