კატალონიური „ბარსელონა” თავის ვარსკვლავბიჭუნას, არგენტინელ ლიონელ მესის ახალი კონტრაქტის გაფორმებას სთავაზობს. საუბარია ეგრეთ წოდებულ „სამუდამო კონტრაქტზე”. ეს ნიშნავს, რომ ლიონელ მესი კარიერის ბოლომდე „ბარსელონის” მაისურით ითამაშებს. ცნობილია, რომ თუკი რომელიმე კლუბი მესის გამოსყიდვას მოინდომებს, „ბარსას” ანგარიშზე 250 მილიონი ევროს ჩარიცხვა მოუწევს. ეს კი საკმაოდ სოლიდური თანხაა და მიუხედავად იმისა, რომ არაბული ინვესტიციებით გამდიდრებული „მანჩესტერ სიტი” და „პარი სენ ჟერმენი” დიდი ხანია, ოცნებობენ მესის გადაბირებაზე, ჯერაც ვერ რისკავენ კოლოსალური თანხის გადახდას, ერთ კონკრეტულ ფეხბურთელში.