თურქული „ეფეს პილსენის” სლოვენიელმა კალათბურთელმა, საშა ვუიაჩიჩმა ჟურნალისტებთან აღიარა, რომ მსოფლიოს ნომერ პირველ ჩოგბურთელს, რუს მარია შარაპოვას სამი თვის წინ დაშორდა და ოლიმპიადის დასრულების შემდეგ, სტამბულში დაანონსებული გრანდიოზული ქორწილი ჩაიშალა. ცნობილი იყო, რომ მარია სამეფო ქორწილის მსგავს ცერემონიალზე ოცნებობდა, ისეთზე, როგორიც პრინც უილიამსა და ქეით მიდლტონს ჰქონდათ. ცნობილი იყო ქორწილის ადგილმდებარეობაც – სტამბული, სადაც ვუიაჩიჩი ასპარეზობს. თუმცა, ბოლო დროს გავრცელებული ცნობების თანახმად, ქორწილი არ შედგება. შარაპოვასა და ვუიაჩიჩის დაშორების მიზეზად სპორტული კარიერა დასახელდა, შეყვარებულ წყვილს ერთხელ ერთმანეთი 10 თვეც კი არ ჰყავდა ნანახი, რაც ურთიერთობის შესანარჩუნებლად ურთულესია.