კალიფორნიაში მცხოვრებმა ჯოი ჩესტნატმა, რომლის ზედმეტი სახელია „ყბები“, დაიბრუნა რეკორდსმენის სახელი ქათმის ფრთების ჭამაში. ყოველწლიურ კონკურსზე ამერიკის ქალაქ ბაფალოში მან 12 წუთის განმავლობაში 191 ფრთა გადასანსლა.

ამით მან გააცამტვერა სონი ტომასი, ზედმეტსახელად, „შავი ქვრივის“, შარშანდელი რეკორდი – 183 ფრთა. აღსანიშნავია, რომ ქალბატონმა ტომასმა ეს კონკურსი 2010 წელსაც მოიგო. მან ჩესტნატს 2 ფრთით (181) აჯობა. ამ დროს ის არც მაღალია და არც სრული აღნაგობის. მისი სიმაღლეა 152 სანტიმეტრი, ხოლო წონა – 47,6 კილოგრამი.

 ჩესტნატს კი შეუძლია, იამაყოს სხვა მიღწევითაც – ამ წლის დასაწყისში თავის ცხოვრებაში მეექვსედ მოიგო ტურნირი ჰოთდოგების ჭამაში. მაშინ კალიფორნიელმა 10 წუთში 63 ჰოთდოგი შეჭამა