ცნობილი ამერიკელი ინვესტორი ჯორჯ სოროსი ინგლისური „მანჩესტერ იუნაიტედის” მეწილე გახდა მას შემდეგ, რაც კლუბმა თავისი აქციები განათავსა ნიუ-იორკის საფონდო ბირჟაზე. სოროსის საინვესტიციო კომპანიამ კლუბის 3,1 მილიონი აქცია შეიძინა, ანუ, საერთო წილიდან სოროსის ხელში „წითელი ეშმაკების” აქციათა 7,85 პროცენტია. აღსანიშნავია, რომ, ეკონომიკური ექსპერტების აზრით, კლუბი სარისკო ნაბიჯზე წავიდა, რადგან, თავდაპირველად აქციების გაყიდვას  16-20 დოლარად გემავდა, თუმცა, საბოლოოდ ფასი ცალში 14 დოლარზე დავიდა. აქციების გაყიდვიდან შემოსული თანხებით „მანჩესტერ იუნაიტედის” ხელმძღვანელობა ვალების გასტუმრებას აპირებს, ბოლო მონაცემებით კი, კლუბის ვალი 664 მილიონ ამერიკულ დოლარს შეადგენს.