ლეონარდო დიკაპრიოს „ექსგერლფრენდმა“, ბარ რაფაელიმ, როგორც ჩანს, საბოლოოდ დაივიწყა „ტიტანიკის” გმირი და ახალი სასიყვარულო თავგადასავლის ეპიცენტრში მოექცა. ლამაზმანის არჩევანი მსოფლიოს საუკეთესო კლუბად წოდებული „ბარსელონის” ფეხბურთელზე შეჩერდა. საუბარია ბრაზილიელ დანი ალვეშზე, რომლის თამაშის საცქერად მისული ბარი მალევე შენიშნეს „კამპ ნოუს” ტრიბუნებზე. ფეხბურთელი და მოდელი ერთად კარგად გრძნობენ თავს, თუმცა, ურთიერთობის აფიშირებას ჯერჯერობით არ ჩქარობენ და საზოგადოებრივი თავშეყრის ადგილებში ერთად გამოჩენას ერიდებიან.