ნორვეგიელი ისტორიკოსები საერთაშორისო ოლიმპიური კომიტეტისგან 1904 წლის ზაფხულის ოლიმპიური თამაშების შედეგების გადახედვას მოითხოვენ. ისტორიკოსების მტკიცებით, 1904 წელს, სენტ-ლუისის თამაშებზე, ჭიდაობაში 42 სპორტსმენი ასპარეზობდა და ყველა ამერიკის წარმომადგენელი იყო, რადგან ევროპელი და აზიელი მოჭიდავეები ამერიკაში ბილეთების სიძვირისა და ხანგრძლივი მგზავრობის გამო ვერ ჩავიდნენ. აღმოჩნდა, რომ ჭიდაობაში ორი ოქრო ჩარლზ ერიკსონმა და ბერნჰაფ ჰანსონმა მოიპოვეს. ისტორიკოსების მტკიცებით იმ მომენტისთვის მათ არ გააჩნდათ ამერიკის მოქალაქის დამადასტურებელი მოწმობა და ისინი ნორვეგიიდან ჩასული ემიგრანტები იყვნენ, რაც ნორვეგიას იმის თქმის უფლებას აძლევს, რომ იმ ოლიმპიადაზე მოპოვებული 2 ოქროს მედალი სპორტსმენების ისტორიულ სამშობლოს უნდა ჩაეწეროს აქტივში.