როგორ მოვიხმაროთ ელექტროენერგია
გაგიკვირდებათ და, იტალიაში აქტიური სარეკლამო კამპანია გაჩაღდა, რომელიც მოსახლეობას ელექტროენერგიის მოხმარების შემცირებისკენ მოუწოდებს და თუ იტალიელები ამას მოახერხებენ, მათ ქვეყანაში, თურმე, ნაკლები გამოსხივება და სამასჯერ სუფთა გარემო იქნება. ჯანსაღი ცხოვრების წესზე გადაღებულ რეკლამაში კი, როგორც წესი, ცნობილი სპორტსმენები მონაწილეობენ და გამონაკლისი არც იტალიაა. ამისათვის სამგზის ოლიმპიური ჩემპიონი, მოციგურავე ენრიკო ფაბრისი, ცნობილი კალათბურთელი პიეტრო არადორი, მორაგბე მარტინ ჯოვანი და ფრენბურთელი ფრანჩესკა პაჩინინი შეარჩიეს.
ფრანჩესკა კლუბში ერთადერთი ქალია და დიდი სპორტული წარმატებებითაც არ გამოირჩევა, მაგრამ, მისი შიშველი სხეული ნებისმიერ რეკლამას გაყურებინებს და აქ სწორედ ეს ფანდია ჩადებული. ელექტროენერგიის ექსპლუატაციის წესებისგან განსხვავებით, 45-წუთიან სარეკლამო რგოლში ფრანჩესკას ექსპლუატაციასა და წესებზე არაფერია ნათქვამი – ალბათ, დროში ვერ ჩაეტივნენ...