მუნდიალისთვის ზაირაც ემზადება
მსოფლიოს 2010 წლის ჩემპიონატისთვის არა მარტო ფეხბურთელები, არამედ მათი მეგობარი გოგონები და ცოლებიც ემზადებიან. საქმე ისაა, რომ ჟურნალისტები მსოფლიო ჩემპიონატზე მოხვედრილი ფეხბურთელების მეორე ნახევრებისგან სიმბოლურ გუნდს გააკეთებენ და ფეხბურთელის ულამაზეს მეწყვილესაც დაასახელებენ. ჰოდა, მადრიდის „ატლეტიკოსა“ და ურუგვაის ნაკრების ფორვარდის, დიეგო ფორლანის მეგობარმა გოგონამ, ზაირა ნარამ, უკვე გამოაცხადა, რომ სამხრეთ აფრიკაში ამ მიზნით მიდის.
– მე მაქსიმუმს გავაკეთებ იმისთვის, რომ ულამაზესად მე მაღიარონ და, დარწმუნებული ვარ, ეს დიეგოსაც ესიამოვნება, – განაცხადა ზაირამ.
გასაგებ მიზეზთა გამო, ქართველ ქალებს ამ ტურნირისთვის მზადება არ შეუძლიათ.