„ვერდერზე“ შეყვარებული
ანა-მარია ლაგერბლომი ცნობილი მომღერლის, სარა კონორის დაიკო გახლავთ, მაგრამ, 28 წლის ანა-მარია ქმრის გვარზეა. მისი მეუღლე ბრემენის „ვერდერის“ ყოფილი ფეხბურთელი, პეკი ლაგერბლომია, თუმცა, ეს იმას არ ნიშნავს, რომ წყვილი დღესაც ერთად ცხოვრობს. მათ გასულ წელს იჩხუბეს და, ანამ თუ მარიამ ბარგი შეკრა და საცხოვრებლად ცალკე გადავიდა. ჰოდა, მაშინ, როცა მთელი გერმანია მათ შერიგებას ელოდა, გოგონა „ვერდერის“ ნახევარმცველთან, 21 წლის მესუთ ოზილთან ერთად გამოჩნდა.
– პეკი ჩვენთან აღარ თამაშობს, მაგრამ გუნდის ბაზაზე ხშირად მოდის ხოლმე. ერთხელაც მას ანა-მარიამ მოაკითხა. როგორც გავიგე, მასთან საუბარი უნდოდა და მე მკითხა, ხომ არ იცი, პეკი სად არისო. ვიცოდი, რომ იგი ცოლს დაშორებული იყო, მაგრამ ანა-მარიას არ ვიცნობდი. ამიტომ, ვიფიქრე, რომ ეს მისი მორიგი გატაცება იყო და, იმის გათვალისწინებით, რომ ძალიან მომეწონა, ბარში დავპატიჟე. მხოლოდ ბარში გავიგე, რომ ჩემ წინ პეკის ცოლი იჯდა, მაგრამ ისინი ხომ დაშორდნენ და ამიტომ, ყოველგვარი სინდისის ქენჯნის გარეშე, ჩემთან წავედით და მას შემდეგ ერთად ვართ. ანა-მარიას „ვერდერი“ ძალიან უყვარს, – განაცხადა ოზილმა.
გოგონამ კი დაამატა, რომ პეკი ლაგერბლომს მალე ოფიციალურადაც დაშორდება და გვარსაც დაუბრუნებს, მაგრამ, სანამ ეს მოხდება, რა გამოდის – ოზილი პეკის კანონიერ ცოლს ებურთავება?!