„თბილისელების“ სამზარეულო
დესერტი თაფლით
საჭირო ინგრედიენტებია: 80 გრამი თხილი (მოხალული), ცოტა დარიჩინი, 2 ჩაის კოვზი გამდნარი კარაქი, 8 კვერცხის გული, 160 გრამი თაფლი, 750 მილილიტრი არაჟანი (სქელი), 2 ლიმონი, 300 გრამი ნებისმიერი მურაბა, ცოტა მარილი.
მომზადების წესი: მიწის თხილი დავჭრათ წვრილად, კარაქი გავადნოთ ტაფაზე და მოვხალოთ მასზე თხილი დარიჩინთან ერთად. ცალკე კვერცხის გული და თაფლი ავურიოთ ერთმანეთში კარგად. დავუმატოთ ცოტა მარილი. დავდგათ ცხელი წყლის აბაზანაზე და ძალიან კარგად ავურიოთ. გადმოვიღოთ, როცა გაცივდება შევურიოთ მასში მოხალული თხილი.
არაჟანი გავთქვიფოთ და ნელა შევურიოთ კვერცხიან მასას. კიდევ ერთხელ ავურიოთ. ჩავასხათ ფორმაში და გავყინოთ რვა საათის განმავლობაში საყინულეში. ლიმონი გავრეცხოთ კარგად, შევაშროთ, გავხეხოთ ცედრა და გამოვწუროთ წვენი. შევურიოთ წვენიც და ცედრაც მურაბას. დესერტი გამოიღეთ საყინულედან. გადმოიღეთ თეფშზე, მოასხით მურაბა და დაჭერით.