ვიკამ ჯენიფერს დაატოლა
ერთი თვე გავიდა, რაც დევიდ ბექჰემმა „მილანის“ მაისური მოირგო, მისი მეუღლე ვიქტორია ადამსი კი ჯერ ერთ იტალიურ შოუშიც კი არ მიუწვევიათ და, როგორც ჩანს, ვიკა ამ ამბავმა ჩააფიქრა. მან საკუთარი თავის რეკლამა გადაწყვიტა და ეს საქმე აშკარად კარგად გამოსდის. მოკლედ, ვიქტორიამ ერთ-ერთ ჟურნალთან საუბრისას განაცხადა, ვისაც მე ძალიან გამხდარი ვგონივარ, ცდება, რადგან ზუსტად იმავე ზომის სამოსს ვიცვამ, როგორსაც ცნობილი მომღერალი ჯენიფერ ლოპესი. ჩვენ საყიდლებზე ერთად ხშირად დავდიოდით და მერე ტანისამოსს ვცვლიდით ხოლმე. მას ჩემი სამოსი, მე კი – მისი არცთუ იშვიათად გვცმია, – განაცხადა ვიკამ.