უსაფრთხო განშორება
განშორება საყვარელ ადამიანთან ყოველთვის არ შეიცავს საშიშროებას. ზოგჯერ, დროებით აღებული ტაიმ-აუტი ურთიერთობაში საკმაოდ ბედნიერი ახალი ეტაპის დასაწყისი ხდება. სიყვარულსაც სჭირდება პატარ-პატარა „უსაფრთხო განშორებები“. მაგრამ იმისთვის, რომ ამან არანაირი პრობლემა არ შეგიქმნათ, უნდა გაითვალისწინოთ:
* საყვარელი ადამიანი დიდხანს არ უნდა დატოვოთ მარტო. კვირაში ორ დღეზე მეტი – უკვე უარყოფითად მოქმედებს ურთიერთობაზე.
* ნახევარ წელიწადში ერთხელ, ერთი კვირით შეიძლება მისი მარტო დატოვება;
* წელიწადში ერთხელ გაქვთ უფლება, ისევ თქვენს სასიკეთოდ, საყვარელ ადამიანს მხოლოდ სამი კვირით მიანიჭოთ „თავისუფლება“. მას შეუძლია, ეს დრო უთქვენოდ გაატაროს და არ დაავიწყდეს, რომ მარტო არ არის.
ურთიერთობაზე უარყოფითად მოქმედებს ხანგრძლივი განშორებები. მიზეზს მნიშვნელობა არა აქვს. თუ საყვარელ მეორე ნახევარს ხუთი თვით მიატოვებთ, ან პირიქით, ხუთი თვით გაუშვებთ, მშვიდად ყოფნის უფლება ნამდვილად არ გექნებათ. ასეთი ვადით განშორების შემდეგ გაყრის მაჩვენებელი 38 პროცენტს უტოლდება.
P. S. პენელოპე, თრაკიის დედოფალი თავის ოდისევსს ოცდათხუთმეტი წელი ელოდა. ოდისევსი კი დაბრუნდა, მაგრამ ამ ხნის განმავლობაში დრო უქმად არ დაუკარგავს, მშვენივრად გაერთო. თქვენ ხომ პენელოპე არ ხართ?!