მწვრთნელის შვილი
ინგლისის პრემიერლიგის კლუბის, „ბარნლის“ მთავარ მწვრთნელად ბრაიან ლოსი დაინიშნა. ამ თანამდებობაზე მან ოუენ კოილი შეცვალა, რომელსაც არადამაკმაყოფილებელი შედეგები ჰქონდა. ახალი მწვრთნელი საქმიანობას უკვე შეუდგა და „ბარნლის“ ფეხბურთელებსაც აშკარა გამოცოცხლება ეტყობათ, მაგრამ ამის მიზეზი არა ახალი თავკაცი, არამედ მისი შვილი – დანიელაა. 26 წლის გოგონა ფიტნესის ინსტრუქტორია და მამამ იგი სამუშაოდ კლუბში მიიყვანა.
– ჩემი საქმის პროფესიონალი ვარ და არ მრცხვენია, რომ მამამ დამასაქმა. პირიქით, მას იმედებს არ გავუცრუებ და „ბარნლის“ ფეხბურთელები მთელ პრემიერლიგაში ყველაზე კარგ ფორმაში იქნებიან, – განაცხადა დანიელამ და, მისი ფორმების გათვალისწინებით, ფეხბურთელები ფორმაში მართლაც უნდა იყვნენ.